Şəki Tibb Kolleci

Details: Dərc edilib: 27 May 2024; Oxunma sayı: 1017

Səhiyyə Nazirliyi Şəki Tibb Kollecində milli dəyərlər bayramı : Prezidentin çağırışına səs verən ideoloji maarifləndirmə

Azərbaycan Respublikasının Prezidenti İlham Əliyevin YAP-ın VIII Qurultayındakı çıxışında gənclərin milli-mənəvi dəyərlər ruhunda, yad ideologiyalardan uzaq və sağlam tərbiyə olunması ilə bağlı səsləndirdiyi fikirlərə uyğun olaraq, Şəki Tibb Kollecinin tələbələri "İşıq" qəzetinin transliterasiya olunmuş toplusu və "İşıq" jurnalının nömrələri ilə tanış olublar. İdrakı-maarifləndirici görüş zamanı tələbələrə milli dəyərlərimiz, ailə səadəti, təhsil və tərbiyənin əsas prinsipləri haqqında geniş məlumat verilib.

Details: Dərc edilib: 22 Oktyabr 2026; Oxunma sayı: 25

Səhiyyə Nazirliyi Şəki Tibb Kollecində 27 Sentyabr – Anım Gününə həsr olunan "Bir dəqiqəlik sükut - Bir ömürlük xatirə" adlı tədbir keçirilib.

Tədbirdə şəhid anaları, kollecin müəllim və tələbələri iştirak ediblər. Əvvəlcə Vətənimizin ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

Tədbir çərçivəsində tələbələr tərəfindən Vətənə, şəhidlərimizin əziz xatirəsinə həsr olunan şeir səsləndirilib, vətənpərvərlik ruhunda mahnı ifa olunub və rəqs kompozisiyası təqdim edilib.

Şəhid analarının iştirakı tədbirə xüsusi mənəvi dəyər qatıb. Onlara dərin ehtiram və minnətdarlıq ifadə olunub.

Şəhidlərimizin əziz xatirəsi daim qəlbimizdə yaşayacaq!

Details: Dərc edilib: 28 Sentyabr 2026; Oxunma sayı: 71

Səhiyyə Nazirliyi Şəki Tibb Kollecində görkəmli dövlət və elm xadimi, tanınmış həkim Əziz Əliyevin həyat və fəaliyyətinə həsr olunmuş maarifləndirici tədbir keçirilib. Tədbirdə Əziz Əliyevin Azərbaycan səhiyyəsinin inkişafına verdiyi töhfələrdən, tibb elminin tərəqqisi naminə gördüyü işlərdən və zəngin irsindən bəhs olunub.

Tədbirin əsas məqsədi tələbələrə Əziz Əliyevin həyat və fəaliyyəti haqqında ətraflı məlumat vermək, onun elmi irsini və səhiyyə sahəsindəki xidmətlərini gənc nəslə tanıtmaq olub.

Details: Dərc edilib: 27 Oktyabr 2026; Oxunma sayı: 9

Səhiyyə Nazirliyi Şəki Tibb Kollecində I kurs tələbələri arasında intellektual oyun keçirilib. Oyunda tələbələr fəal iştirak edərək öz bilik və bacarıqlarını nümayiş etdiriblər.

Details: Dərc edilib: 12 Oktyabr 2026; Oxunma sayı: 64

Səhiyyə Nazirliyi Şəki Tibb Kollecinin tələbələri 12 Avqust- Beynəlxalq Gənclər Günü münasibətilə "Gənclikdən sabahlar doğur" adlı festivalda iştirak ediblər. Festival Şəki-Zaqatala Regional Gənclər və İdman İdarəsinin Şəki şəhəri üzrə gənclər və idman sektoru və Mirzə Fətəli Axundzadə adına Mədəniyyət Mərkəzinin tabeliyində fəaliyyət göstərən "Narınqala Folklor Evinin birgə təşkilatçılığı ilə keçirilib.

Details: Dərc edilib: 28 Sentyabr 2026; Oxunma sayı: 75

Səhiyyə Nazirliyi Şəki Tibb Kollecində Azərbaycan Respublikasının Prezidenti cənab İlham Əliyevin YAP -nın VIII qurultayındakı nitqindən irəli gələn vəzifələrlə bağlı tədbir keçirilib.Tədbirdə Şəki 1 saylı Mediasiya Təşkilatının direktoru, hüquqşünas Dərya Yaşarlı, Azərbaycan Respublikası Elm və Təhsil Nazirliyi Genetik Ehtiyatlar İnstitutunun Şəki Elmi Tədqiqat Bazasının müdiri Coşqun Məmmədov, Dini Qurumlarla İş Üzrə Dövlət Komitəsinin əməkdaşı Minarə Məmmədhüseynova, kollecin müəllim və tələbə heyəti iştirak edib

Details: Dərc edilib: 27 Oktyabr 2026; Oxunma sayı: 9

Səhiyyə Nazirliyi Şəki Tibb Kolleci Qax rayonunda Dövlət Məşğulluq Agentliyi tərəfindən təşkil olunan “PeşəFest 2026” tədbirində iştirak edib.

Details: Dərc edilib: 05 Oktyabr 2026; Oxunma sayı: 61

Səhiyyə Nazirliyi Şəki Tibb Kollecində 25 iyun 2026-cı il tarixində Şəki şəhərində 26 İyun – Narkomaniya və Narkobiznesə qarşı Beynəlxalq Mübarizə Günü münasibətilə Şəki-Zaqatala Regional Gənclər və İdman idarəsinin Şəki şəhəri üzrə Gənclər və İdman sektorunun təşkilatçılığı ilə gənclər arasında “Narkomaniyanın qarşısının alınmasında ailə və məktəbin rolu” mövzusunda maarifləndirici görüş keçirilib.
Tədbirin keçirilməsində məqsəd gənclər arasında sağlam həyat tərzinin təbliği, narkotik vasitələrin zərərli təsirləri barədə məlumatlılığın artırılması, ailə və təhsil müəssisələrinin bu istiqamətdəki rolunun izah edilməsi, eləcə də narkomaniyanın yaratdığı sosial və mənəvi fəsadlar haqqında iştirakçıların maarifləndirilməsi olub.
Görüşdə çıxış edən Şəki-Zaqatala Regional Gənclər və İdman idarəsinin Şəki şəhəri üzrə Gənclər və İdman sektorunun baş məsləhətçisi Səbahət Bağırova narkomaniyanın cəmiyyət üçün ciddi təhlükə mənbəyi olduğunu vurğulayaraq, bu bəlanın qarşısının alınmasında ailə, məktəb və ictimaiyyətin birgə fəaliyyətinin vacibliyindən danışıb. Bildirilib ki, gənclərin düzgün tərbiyə olunması, asudə vaxtlarının səmərəli təşkili və sağlam həyat tərzinə istiqamətləndirilməsi narkomaniyaya qarşı mübarizədə mühüm əhəmiyyət kəsb edir.
Tədbir iştirakçıları mövzu ətrafında fikir mübadiləsi aparıb, onları maraqlandıran suallar cavablandırılıb.